हेटौंडा, २ माघ/बागमती प्रदेशको उपसभामुखको निर्वाचन आज हुने भएको छ । पोखरा विमान दुर्घटनाको कारण सरकारले आज शोक विदा दिएपनि बागमती प्रदेशसभा बैठक भने आज दिउँस ३ बजे बस्ने भएको छ ।
संवैधानिक ब्यवस्था अनुसार पहिलो संसद बैठकको १५ दिन भित्र सभामुख र उपसभामुखको निर्वाचन गरिसक्नुपर्ने ब्यवस्था अनुसार आज १५ दिन पुग्ने भएकोले उपसभामुखको निर्वाचन गर्नुपर्ने वाध्यता रहेकोले बैठक राखिएको बागमती प्रदेशसभा सचिव कृष्णहरी खड्काले बताए ।
उपसभामुखको लागि सत्ता गठवन्धनको तर्फबाट एमालेकी अप्सरा चापागाँई, नेपाली कांग्रेसकी सुना परियार तथा नेपाल मजदुर किसान पार्टीकी गिता काफ्लेले उम्मेदवारी दिएका छन् ।
