मनहरी–भदौ १ गते । पश्चिम मकवानपुरकै एक मात्र अस्पताल मनहरी अस्पतालले सेवाग्राहीहरुको चापलाई ध्यानमा राखी गाउपालिकाको आर्थिक सहयोगमा भाद्र १ बुधवारका दिन देखी बिहान ८ बजे देखी ओपीडी सेवा सुरु गरेको छ । पहिलो दिनमै ८ बजे देखी १० बजेको समय भिर २० जनाले स्वास्थ्य सेवा लिएको सिनियर अहेब शिवराम बानियाले बताउनुभयो ।
अस्पातलमा मनहरी गाउपालिकाका बिरामी मात्रै नभई छिमेकी स्थानीय पालिका राक्सिराङ,कैलाश, हेटौंडा उपमहानगरका केही वडा र चितवन जिल्लाको पुर्बी भाग राप्ती नगरपालिकाबाट समेत बिरामीहरु औषधी उपचार लिने गरेको छ ।
अस्पतालले दिउँसोको बिरामी चापलाई ध्यानमा राख्दै बिहानको ८ बजे देखी १० बजे सम्मको अतिरिक्त समयमा पनि अस्पताल सन्चालन गर्ने निर्णय अनुसार सेवा प्रदान गरेको सिनियर अहेब बानियाले बताउनुभयो । अतिरिक्त समयमा अस्पतालबाट बिरामी जाच, औसधी बितरण, एक्सरे सेवा र ल्याब सर्भिस जस्ता सेवा सन्चालनमा आएको हो ।
अतिरिक्त सेवा सन्चालनमा आए सङ्गै बिरामीको चाप,खाली पेटमा गरिने जाच र अस्पतालको नियमित सेवा लिन नभ्याउनेहरुको लागि यो सेवा धेरैनै प्रभावकारी हुने र सरकारी स्वास्थ्य सस्थाबाटै अधिकतम सेवा प्रदान गर्ने उद्देश्यका साथ यो सेवा सन्चालन गरिएको मनहरी गाउपालिका स्वास्थ्य संयोजक रामचन्द्र दाहालले बताउनुभयो ।
यस्तैगरी अतिरिक्त सेवा अबधिमा स्वास्थ्य बिमा कार्डका प्रयोग गर्ने सेवाग्राहिलाई रिफरका कार्ड बनाईने छ । दैनिक रुपमा १५० भन्दा बढी बिरामीहरुले सेवा प्राप्त गर्ने यस अस्पातलमा नियमित सेवा,खोप सेवा र गर्व जाच तथा परिवार नियोजन सम्बन्धी सेवा १० बजे पस्चात मात्र प्रदान गरिने छ ।
अस्पातलमा अहिले १ जना एम बि बि एस् डाक्टर सहित पारामेडिक्स ६ जना,नर्सिङ तर्फ ५ जना, फार्मेसी तर्फ २ जना,ल्याब तर्फ ३ जना,एक्सरे तर्फ १ जना, कार्यालय सहयोगी २ जना र दर्ता कर्मचारी १ जना सहित २२ जना जनशक्ती रहेको छ । २२ जना मध्ये ६ जना जनशक्ती अस्पताल समितिले आँफैले तलब दिने गरी काममा लागिरहेकाछन ।
अस्पतालको नयाँ भवन बनाउने प्रकृयामा तत्काललाई बिरामी जाच गराउने स्थानको अभावले अस्पताल निर्माण रोकिएकोमा अस्पातलकै कर्मचारीको आवासघर ९ईलाका प्रहरी कार्यालय सङ्गै रहेको स्थानमा० अस्थाई संरचना निर्माण गरिएको र केही दिनमै उक्त स्थानबाट सेवा सुचारु गरीने र अस्पतालको नयाँ भवन निर्माणकार्यले तिब्रता पाउने स्वास्थ्य सम्योजक राम चन्द्र दाहालले बताउनुभयो ।
