एजेन्सी, ६ माघ/कतिपय मानिसमा चिसो मौसममा फलफूल खान नुहने धारणा राख्छन् । चिसो मौसममा फलफूल खाएमा चिसो लाग्छ भनेर केहिले जाडो मौसममा फलफुल खादैनन् ।

चिकित्सकले बिरामीलाई तातोपानीमा भिजाएर भए पनि फलफूल खान सल्लाह दिन्छन् । फलफूलमा हुने भिटामिनले हामीलाई चिसो मौसममा हुनसक्ने रोगका सम्भावनाबाट बचाउँने गर्दछ । तसर्थ, जाडो मौसममा यी फलफूल खानु स्वास्थ्यका लागि लाभदायक मानिन्छ ।

१. स्याउ:
दैनिक एउटा स्याउ खादाँ हामीले १० मिलिग्राम भिटामिन ‘सी’ प्राप्त गर्दछौ । भिटामिन ‘सी’ले भाइरससँग लड्ने क्षमता राख्दछ । तसर्थ चिसो मौसममा हुन सक्ने भाइरसको प्रभावबाट शरीरलाई बचाउन दैनिक एक स्याउ खानु निकै लाभदायक मानिन्छ । स्याउ खाँदा मुटुसम्बन्धी रोगबाट बचाउनुका साथै क्यान्सरबाट पनि बचाउँछ ।

२. मेवा:
मेवामा भिटामिन ‘ए’ सहित भिटामिन सि पाइन्छ । भिटामिन ‘ए’ आँखाका रोगहरुका लागी निकै उपयोगी हुन्छ भने भिटामिन ‘सी’ले शरीर सुन्निने रोगमा पनि लाभ गर्दछ ।

३. अंगुर:
नियमित अंगुरको सेवन गर्नेहरुमा भिटामिन ए, सी सहित क्याल्सियम, आइरन र म्याग्नेसियम पाइन्छ । यी सबै पोषण शरीरका लागी लाभदायक माािन्छ । साथै अंगुरमा कोलस्ट्रोल घटाउने तत्वहरू समेत पाइन्छ । रातो अंगुरले क्यान्सर विरुद्ध लड्ने क्षमता बनाउँदछ ।

४. केरा:
भिटामिन ‘बी’को राम्रो श्रोत मानिने केराको सेवनले शरीरको थकान, मानसिक रोग, तनाव र अनिन्द्रा हटाउन महत्वपुर्ण भूमिका निर्वाह गर्दछ । केराको सेवनले हाड बलियो हुनुका साथै मुटु रोगबाट पनि बचाउछ । केराको सेवन गर्दा उच्च रक्तचापबाट समेत बचाउँछ ।

५. सखरखण्ड:
पर्याप्त मात्रामा भिटामिन ‘ए’ पाइने सखरखण्डमा भिटामिन ‘इ’ समेत पाइन्छ । यसले रक्तकोषलाई मर्नबाट बचाउँछ । सखरखण्ड बाहेक आलुमा समेत भिटामिन इ पाइन्छ । भिटामिन ‘इ’ले शरीरमा प्रतिरक्षात्मक प्रणाली मजबुद बनाउँछ ।


LEAVE A REPLY

Please enter your comment!
Please enter your name here